ສູນຫຼົບໄພສັດປ່າຫຼາຍໆແຫ່ງໃນພາກພື້ນອາຊີຕາເວັນອອກສ່ຽງໃຕ້ຍັງໃຫ້ປະສົບການແກ່ຜູ້ອາສາສະໝັກ ເຊິ່ງສາມາດຖື ຫຼື ກອດສັດປ່າໄດ້.
ການຂີ່ຊ້າງ, ອາບນ້ຳໃຫ້ຊ້າງ ຫຼື ກອດອຸ້ມລີງ: ປະສົບການເຫຼົ່ານີ້ເບິ່ງຄືມີລັກສະນະໃນແງ່ດີ ແລະ ຄືຈະມີຜົນປະໂຫຍດເຊິ່ງກັນ ແລະ ກັນ ແຕ່ຄວາມຈິງແລ້ວມັນບໍ່ແມ່ນສິ່ງທີ່ຈະເປັນໄປຕາມແນວນັ້ນ.
”ກາຍເປັນສິ່ງທີ່ສຳຄັນທີ່ນັກທ່ອງທ່ຽວຕ້ອງການຢາກໄດ້ປະສົບການ.
ເຖິງແມ່ນວ່າການອາບນ້ຳເປັນພຶດຕິກຳທາງທໍາມະຊາດຢ່າງໜຶ່ງຂອງຊ້າງ ແຕ່ຊ້າງພວກມັນບໍ່ຄຸ້ນເຄີຍທີ່ຈະອາບນ້ຳແນວນັ້ນກັບເພື່ອນມະນຸດຄົນທີ່ພວກມັນຍັງບໍ່ທັນຮູ້ຈັກ. ຖ້າວ່າມີນັກທ່ອງທ່ຽວມາອາບນ້ຳໃຫ້ກັບຊ້າງ ຜູ້ເບິ່ງແຍງ ຫຼື ຄົນລ້ຽງດູຊ້າງຕ້ອງໄດ້ຄວບຄຸມຊ້າງໃຫ້ຢູ່ນິ່ງໆເພື່ອຄວາມປອດໄພຂອງແຂກ ສະນັ້ນ, ມັນຈຶ່ງກາຍເປັນສິ່ງໜຶ່ງທີ່ສຳຄັນທີ່ນັກທ່ອງທ່ຽວຕ້ອງການຢາກໄດ້ປະສົບການ.
ຊ້າງມັກຈະລະມັດລະວັງຄົນທີ່ພວກມັນບໍ່ຮູ້ຈັກ ແລະ ລະວັງບໍ່ໃຫ້ຄົນເຂົ້າໄປມ້ວນ ຫຼື ທຳຮ້າຍຕົວພວກມັນ. ສິ່ງນີ້ໝາຍຄວາມວ່າຊ້າງມັນຈຳເປັນຕ້ອງມີສະຕິລະວັງຕົວຕໍ່ທຸກການປະພຶດຂອງມັນ ເຮັດໃຫ້ມັນເກີດມີຄວາມຕຶງຄຽດຫຼາຍກວ່າທີ່ຈະຜ່ອນຄາຍຕົວມັນເອງ.
ມີຄຳຖາມສຳຄັນຫຼາຍຂໍ້ທີ່ທ່ານຄວນຖາມກ່ອນຈະເລືອກບ່ອນມາໃຊ້ເວລາອັນມີຄ່າ ແລະ ເງິນທີ່ຫາຍາກຂອງທ່ານ.
ສູນຫຼົບໄພສັດປ່າທີ່ດົງດັງສາມາດຕອບຄຳຖາມເຫຼົ່ານີ້ໄດ້ດີເລີດ! ແຕ່ຖ້າວ່າບ່ອນໃດທີ່ທ່ານໄປຢ້ຽມຊົມບໍ່ສາມາດໃຫ້ຄຳຕອບທີ່ໜ້າເພິ່ງພໍໃຈ ທ່ານຕ້ອງໄດ້ສະຫຼາດເພື່ອພິຈາລະນາການຢ້ຽມຊົມຂອງທ່ານຢ່າງມີຈັນຍາບັນ.
ຢູ່ທີ່ສູນມູນນິທິອະນຸລັກສັດປ່າລາວ ພວກເຮົາໃຫ້ປະສົບການທີ່ມີຈັນຍາບັນແບບຍືນຍົງ ພ້ອມດ້ວຍນະໂຍບາຍການເຮັດວຽກທີ່ບໍ່ສຳຜັດກັບສັດປ່າຢ່າງເຂັ້ມງວດ. ຍ້ອນຫຍັງ? ເພາະພວກເຮົາມີເປົ້າໝາຍປ່ອຍສັດປ່າທີ່ພວກເຮົາກູ້ໄພມາກັບຄືນສູ່ປ່າໃຫ້ຫຼາຍທີ່ສຸດເທົ່າທີ່ເປັນໄປໄດ້ ສະນັ້ນ, ເພື່ອໃຫ້ສັດປ່າດັ່ງກ່າວມີຊີວິດຢູ່ລອດພວກມັນຕ້ອງໄດ້ຢູ່ແບບເປັນທຳມະຊາດ.
ສິ່ງນີ້ໝາຍຄວາມວ່າເຮັດໃຫ້ສັດປ່າຢ້ານຄົນເຮົາ ຈຶ່ງບໍ່ມີໃຜເຂົ້າໄປຈັບກອດ ແລະ ເກືອອາຫານໃຫ້ພວກມັນ. ເພາະວ່າຖ້າມີຄົນເຂົ້າໄປໃກ້ຊິດກັບສັດປ່າເຫຼົ່ານີ້ເມື່ອພວກເຮົາປ່ອຍພວກມັນກັບຄືນສູ່ປ່າພວກມັນຈະກັບຄືນມາຫາຄົນ ແລະ ສຸດທ້າຍກໍ່ຖືກຕົກເປັນເຫຍື້ອການຄ້າສັດປ່າທີ່ຜິດກົດໝາຍອີກ.
”ເພື່ອໃຫ້ສັດປ່າມີຊີວິດຢູ່ລອດ, ມັນຕ້ອງໄດ້ຢູ່ແບບເປັນທຳມະຊາດ.
ກ່ຽວກັບສັດປ່າໂຕທີ່ໄດ້ອາໄສຢູ່ໃນສູນແດ່! ສຳລັບສັດປ່າໂຕທີ່ມີບັນຫາສຸຂະພາບຖາວອນພວກເຮົາຈະບໍ່ສາມາດປ່ອຍກັບຄືນສູ່ປ່າ. ແຕ່ສັດປ່າເຫຼົ່ານີ້ກໍ່ມີບົດບາດສຳຄັນຫຼາຍເພື່ອສອນພຶດຕິກຳທີ່ເປັນທຳມະຊາດໃຫ້ກັບສັດປ່າໂຕໜຸ່ມນ້ອຍທີ່ພວກເຮົາກູ້ໄພມາໃໝ່ເພື່ອຈະໄດ້ນຳໄປປ່ອຍຄືນສູ່ປ່າ ແລະ ຍັງຊ່ວຍເຮັດໃຫ້ສັດທຸກໂຕທີ່ຢູ່ໃນສູນນີ້ມີຊີວິດແບບທຳມະຊາດ ເຊິ່ງມັນແມ່ນສິ່ງທີ່ສຳຄັນທີ່ສຸດສຳລັບທີມງານພວກເຮົາ. ສະນັ້ນ, ການຮັກສາພຶດຕິກຳທີ່ເປັນທຳມະຊາດນັ້ນຈຶ່ງສຳຄັນຫຼາຍບໍ່ພຽງແຕ່ປ້ອງກັນສັດປ່າເທົ່ານັ້ນ ແຕ່ຍັງຊ່ວຍເຮັດໃຫ້ພວກມັນມີສຸຂະພາບທີ່ດີອີກ. ສັດປ່າບໍ່ຈຳເປັນຕ້ອງປະພຶດຕາມອັນໃດນອກຈາກປະພຶດພຶດຕິກຳທີ່ເປັນທຳມະຊາດແລ້ວ.
ນອກຈາກນີ້, ພວກເຮົາຍັງປະຕິບັດນະໂຍບາຍທາງດ້ານໂຊເຊຍມີເດຍຢ່າງເຂັ້ມງວດ ເຊິ່ງບໍ່ອະນຸຍາດໃຫ້ຜູ້ອາສາສະໝັກຄົນໃດແຊຣຮູບພາບຂອງສັດນ້ອຍກຳພ້າທີ່ຍັງຄົງຢູ່ພາຍໃຕ້ການເບິ່ງແຍງຮັກສາຂອງທີມງານຂອງພວກເຮົາ ຫຼື ຮູບພາບທີ່ພະນັກງານ ແລະ ຜູ້ອາສາສະໝັກສັດຕະວະແພດກຳລັງສຳຜັດກັບສັດປ່າ. ຍ້ອນຫຍັງ?
ເມື່ອຄົນທົ່ວໄປເຫັນພວກເຮົາສຳຜັດແນວນັ້ນເພິ່ນຈະຄິດວ່າ “ກຳລັງຫຼິ້ນ” ກັບສັດປ່າ ແລະ ການຫຼິ້ນ ຫຼື ສຳຜັດກັບສັດປ່ານັ້ນມັນເປັນສິ່ງທີ່ໂອເຄ. ການຄ້າສັດປ່າທີ່ຜິດກົດໝາຍເກີດມາຈາກຄວາມຕ້ອງການ ແລະ ບຸກຄົນທີ່ຢາກໄດ້ສັດປ່າມາເປັນສັດລ້ຽງ ຫຼື ນຳເອົາສັດປ່າມາໃຫ້ນັກທ່ອງທ່ຽວເບິ່ງຊົມສຳຜັດສ້າງເປັນສິ່ງຫາລາຍໄດ້ໃຫ້ກັບຕົນເອງ. ສະນັ້ນ, ເຮັດແບບນັ້ນພຽງແຕ່ໃຫ້ບໍລິການສິ່ງທີ່ບໍ່ດີ.
ພວກເຮົາຢາກໃຫ້ທ່ານອ່ານເພີ່ມເຕີມກ່ຽວກັບຈັນຍາບັນດ້ານໂປຼແກຼມການເປັນອາສາສະໝັກລ້ຽງດູສັດປ່າທີ່ທ່ານກຳລັງຊອກຫາ. ຂໍ້ມູນນີ້ໄດ້ຈາກ GoAbroad ເປັນຈຸດເລີ່ມຕົ້ນທີ່ດີ ໂດຍມີລາຍການຄຳຖາມຫຼາຍຂໍ້ທີ່ບາງອົງການມີຊື່ສຽງຄວນຈະສາມາດຕອບໄດ້. ຖ້າທ່ານມີຄຳຖາມໃດທີ່ກ່ຽວຂ້ອງກັບຫົວຂໍ້ເຫຼົ່ານີ້ ຫຼື ກ່ຽວຂ້ອງກັບໂປຼແກຼມການເປັນອາສາສະໝັກຂອງພວກເຮົາ ກະລຸນາຢ່າລັງກຽດຕິດຕໍ່ຫາພວກເຮົາ!
© 2022 ມູນນິທິອະນຸລັກສັດປ່າລາວ.
